Vita ya Wenger v Morinho Yamalizika kwa Arsenal Kupigwa Goli 2-1 Yashuka hadi nafasi ya 6,Waziri Mkuu Costa Afanya Kweli

Chelsea wameendelea kujichimbia kileleni mwa Ligi Kuu England walipoichapa Arsenal Bao 2-0 huko Stamford Bridge hii Leo.

Mechi hii ilichelewa kuanza kwa Dakika 15 kwa sababu za kiusalama baada ya baadhi ya Mashabiki kurusha Fataki kabla Mechi haijaanza.

Na ilipoanza ikatosha rabsha baada ya Mameneja wa Timu hizo, Jose Mourinho na Arsene Wenger, kukwaruzana wakati Wenger alipochukizwa baada ya Mchezaji wake Alexis Sanchez kuchezewa Rafu na Gary Cahill ambae alipewa Kadi ya Njano na Refa Martin Atkinson.

Chelsea walilazimika kumbadili Kipa wao Courtois katika Dakika ya 24 na kumwingiza Petr Cech baada ya Kipa huyo kugongana na Alexis Sanchez muda mfupi kabla.

Chelsea walifunga Bao lao la kwanza katika Dakika ya 27 kwa Penati ya Eden Hazard iliyotokana na Laurent Koscienly kumchezea Rafu Hazard na kupewa Kadi ya Njano.

Dakika ya 77, bonge la Pasi ndefu ya Fabregas mbele ilishushwa kifuani na Diego Costa na kukabiliana na Kipa Szczesny na kumvisha kanzu kuandika Bao la Pili kwa Chelsea.

++++++++++++++++++++++++++

TOTTENHAM 1 SOUTHAMPTON 0

Wakicheza kwao White Hart Lane, Tottenham wameifunga Southampton Bao 1-0.Bao la Tottenham lilifungwa na Christian Eriksen katika Dakika ya 40.