Askari wa Angola waripotiwa kuingia Kongo Brazaville

Afisa wa ngazi za juu wa Kongo Brazaville amesema kuwa, wanajeshi wa Angola wamevuka mpaka na kuingia katika ardhi za nchi hiyo jirani mapema wiki hii na kukamata kikundi cha askari wa Kongo. Kanali Christian Sansa kamanda wa jeshi la Kongo Brazaville amesema kuwa, wanajeshi wa Angola waliingia katika wilaya ya Kimongo kutokea Cabinda na kudai kwamba walikuwa katika ardhi yao.

Sansa ameongeza kuwa Kongo imepeleka askari wake kwenye eneo hilo baada ya kufahamu suala hilo lakini walishikiliwa na wanajeshi wa Angola.  Hata hivyo balozi wa Angola mjini Brazzaville amesema kuwa hana taarifa juu ya harakati za askari wa Angola ndani ya ardhi ya Kongo na kukanusha kushikiliwa askari wa Kongo Brazaville na wanajeshi wa nchi yake.

Suala hilo linaashiria wasiwasi uliopo katika eneo la Cabinda la Angola lenye utajiri wa mafuta lililojitenga na nchi hiyo na linalopakana na Kongo DRC na Kongo Brazaville.