La Liga Bingwa Kupatikana Leo Nou Camp FC Barcelona v Atletico de Madrid

Leo, kuanzia Saa 1 Usiku,FC Barcelona wanaingia Uwanjani kwao Nou Camp kucheza na Atletico Madrid wakijua ushindi kwenye Mechi hii ya mwisho ya La Liga utawapa Ubingwa wao wa 5 huko Spain katika Miaka 6.

Lakini, Atletico Madrid, ambao ndio Vinara wa La Liga kwa Pointi 3 mbele ya Barcelona, wanataka Sare tu ili watwae Ubingwa kwa mara ya kwanza tangu 1996.Kwenye Mechi yao ya Leo, Barca itamkosa Mchezaji wao wa Siku nyingi, Carles Puyol, ambae alikwisha kutangaza kustaafu Soka mwishoni mwa Msimu huu kutokana na kukabiliwa na tatizo la Goti kwa muda mrefu.Puyol, Miaka 36, alianza kuichezea Barca tangu Oktoba 1999.Mbali ya Puyol, Barca inatarajiwa kuwakaribisha tena Majeruhi wao waliokuwa nje hivi karibuni aMbao ni Neymar,alekuwa nje Mwezi, Gerard Pique na Jordi Alba.Atletico Madrid watakuwa nae Straika wao hatari Diego Costa ambae amekuwa akisumbuliwa na Musuli za Pajani [Hamstring].

Mahesabu ya Mechi ya Leo:

-USHINDI kwa Barcelona: BINGWA Barcelona

-SARE: BINGWA Atletico

-USHINDI kwa Atletico: BINGWA  Atletico

 Akiongelea kutocheza Mechi hii ambayo ndio ingekuwa yake ya kuaga kabla kustaafu, Puyol amesema: “Nimezungumza na Makocha na kwa sababu hii ndio itaamua Bingwa ni bora wakacheza wale waliokuwa fiti Asilimia 100!”Ikiwa hii Leo Barca watashinda basi watafungana kwa Pointi na Atlwtico Madrid na Barca watapewa Ubingwa kwa kuwa na Matokeo Bora ya Uso kwa Uso kati yao kwa vile Timu hizi zilitoka 0-0 katika Mechi ya Kwanza huko Vicente Calderon.

Ni mara mbili tu katika Historia ya La Liga Bingwa amepatikana baada Timu mbili kufungana kwa Pointi na Ubingwa kuamuliwa kwa kutazama Matokeo ya Uso kwa Uso kati ya Timu hizo mbili.Hali hii ya Bingwa kupatikana kwa Matokeo ya Uso kwa Uso ilitokea Msimu wa 1950/51 wakati Atletico walipowapiku Sevilla na mara nyingine ilikuwa ni Miaka 5 kabla ya hapo.

Uso kwa Uso 2013-14:

21 Agosti: Atletico 1-1 Barcelona (Spanish Super Cup)

28 Agosti: Barcelona 0-0 Atletico (Spanish Super Cup)

11 Januari: Atletico 0-0 Barcelona (La Liga)

1 Aprili: Barcelona 1-1 Atletico (UEFA CHAMPIONS LIGI)

9 Aprili: Atletico 1-0 Barcelona (UEFA CHAMPIONS LIGI)

Ikiwa Atletico watwaa Ubingwa, hii itakuwa ni mara yao ya kwanza katika Miaka 18 na wataondoa himaya ya Real Madrid na Barcelona kubadilishana Ubingwa ambayo imedumu kuanzia Mwaka 2004 Valencia walipotwaa Ubingwa.Akizungumzia Mechi hii, Kocha wa Atletico, Diego Simeone amesema: “Wachezaji wamefanya kazi kubwa sana. Kutufikisha nafasi hii, Siku ya mwisho ya Msimu, tukishindana na Timu Bora kutwaa Ubingwa ni kitu ambacho ngumu kukirudia. Wamefika hapa kwa kustahili!”

LA LIGA

MSIMAMO-Timu za Juu:

NA	TIMU	P	W	D	L	F	A	GD	PTS
1	Atletico de Madrid	37	28	5	4	76	25	51	89
2	FC Barcelona	37	27	5	5	99	32	67	86
3	Real Madrid CF	37	26	6	5	101	37	64	84
4	Athletic de Bilbao	37	20	9	8	66	39	27	69

 Kwa La Liga, ikiwa Timu zinafungana kwa Pointi, ili kuamua nani yuko Juu, Matokeo ya Uso kwa Uso kati ya Timu hizo mbili ndio huamua nani Bora na SIO MAGOLI!!

**Ikiwa Matokeo ya Uso kwa Uso yanalingana, Magoli ndio hufuatwa!!

LA LIGA

Mechi za mwisho

Ijumaa Mei 16

Malaga CF 1 Levante 0

[Saa za Bongo]

Jumamosii Mei 17

1700 Real Madrid CF v RCD Espanyol

1900 FC Barcelona v Atletico de Madrid

2300 Valencia v Celta de Vigo

Jumapili Mei 18

1300 Real Sociedad v Villarreal CF

1900 Osasuna v Real Betis

1900 Rayo Vallecano v Getafe CF

1900 Real Valladolid v Granada CF

1900 UD Almeria v Athletic de Bilbao

2200 Sevilla FC v Elche CF