JAMES WILSON, kinda aliye peleka furaha OLD TRAFFORD mechi ya mwisho

BAO 2 za Chipukizi wa Miaka 18, James Wilson, na Mkongwe Robin van Persie zimewapa Manchester Unitedushindi wa Bao 3-1 walipocheza na Hull City kwenye Mechi ya Ligi Kuu England ambayo ni ya mwisho Msimu huu Uwanjani Old Trafford na pia ni ya mwisho kwa Nahodha wao Nemanja Vidic ambae anaondoka mwishoni mwa Msimu.Bao pekee la Hull City lilifungwa na Fryatt katika Shuti lao pekee Golini.

Huenda Hull City, ambao wako Fainali ya FA CUP na watacheza na Arsenal Uwanjani Wembley hapo Mei 17, wakamkosa Mchezaji wao mzuri Meyler kwenye Fainali hiyo baada ya Mchezaji huyo kunaswa akimkanyaga Januzaj bila Refa kuona ikiwa FA, Chama cha Soka England, kitalipitia tukio hilo.

KAPITANE NEMANJA VIDIC – Patrice Evra anena:

"Ukimuona Mchezaji kama Nemanja Vidic anaondoka Klabu hii unasikia huzuni sana! Namuita Jabali! Nimebahatika sana kucheza nae, ni Sentahafu Bora sana!"

Pia, Meneja-Mchezaji, Ryan Giggs, ambae aliingia kucheza Kipindi cha Pili na ambae ndie alitoa Pasi yenye akili iliyompa mwanya Robin van Persie, huenda nae pia ikawa hii ndio Mechi yake ya mwisho Old Trafford kama Mchezaji kwa vile Mkataba wake nae kama Mchezaji unamalizika mwishoni mwa Msimu.

Man United wamebakiza Mechi moja ya Ligi hapo Jumapili ambako watacheza Ugenini kwa Mtakatifu Maria dhidi ya Southampton na ushindi kwao na kipigo kwa Tottenham kitawapa Nafasi ya 6 na hivyo kucheza EUROPA LIGI Msimu ujao.