Alex Oxlade-Chamberlain Kusalia Kikosini England Roy Hodson

Roy Hodson amekiri kuwa bado hajafikiria kumbadili Alex Oxlade-Chamberlain ikiwa itathibitika hataweza kucheza Fainali za Kombe la Dunia.Kiungo huyo wa Arsenal aliumia Goti kwenye Mechi ya Jumatano Usiku ambayo England walitoka 2-2 na Ecuador huko Miami, Marekani.

Winga huyo wa Arsenal hataweza kucheza Mechi ya kwanza ya KUNDI D la Kombe la Dunia dhidi ya Italy hapo Juni 14 lakini Hodgson amesema atafanya uamuzi Dakika za mwishoni ikiwa anahitaji kumbadili.Amesema: “Hakuna mabadiliko. Amekuwa akishughulikiwa na Madaktari na tunasubiri.”Alipoulizwa lini atatoa uamuzi, Hodgson alijibu kwamba si kabla ya kwenda Brazil kwani kwa sasa wapo Kambini huko Miami, Marekani na Leo wanacheza Mechi ya kujipima na Honduras