Nani kupanda ligi kuu England Msimu ujao?????

LIGI ya Championship, Daraja la chini ya Ligi Kuu England, Leo imemaliza Msimu wake na wakati ilikuwa tayari inazo Timu mbili zilizopanda moja kwa moja kwenda Ligi Kuu England, vita iliyobaki ilikuwa kukamilisha Timu ya 4 ambayo itaenda Mechi za Mchujo kupata Timu moja ya mwisho itakayopanda kuingia Ligi Kuu England.

Timu hizo mbili ambazo zimepanda moja kwa moja ni Mabingwa wa Championship, Leicester City, ambao walipanda wakiwa na Mechi 6 mkononi na pia kutwaa Ubingwa mapema Mwezi uliopita, na nyingine ni Burnley ambayo imerejea tena Ligi Kuu England baada ya Miaka mitano walipoifunga Wigan Bao 2-0 hapo Aprili 21.Vile vile, Timu mbili zilikuwa zimeshapatika na ilibaki moja ya kushushwa kucheza Ligi 1 Msimu ujao.Katika Mechi hizi za mwisho za Leo, Brighton iliifunga Nottingham Forest Bao 2-1 na kufanikiwa kukukamata Nafasi ya 6 na hivyo kutinga Mechi za Mchujo ikiungana na Derby County, QPR na Wigan ambazo zilishachukua Nafasi za 3, 4 na 5.

MSIMAMO-Timu za Juu: 

NA.	TIMU	P	GD	PTS
1	Leicester	46	39	99
2	Burnley	46	35	92
3	Derby	46	32	84
4	QPR	46	15	77
5	Wigan	46	14	73
6	Brighton	46	14	69
7	Reading	46	14	70
8	Blackburn	46	7	67

Timu hizo 4 ambazo zitatinga Mechi za Mchujo zitafanyiwa Droo maalum kupanga Mechi mbili za Mtoano na Washindi wake kukutana Fainali Wembley na Mshindi kupanda Daraja na kucheza Ligi Kuu England Msimu ujao.

Timu za Kushuka Daraja

Tayari, Timu ya Mkiani, Yeovsil, imeshashuka Daraja tangu mwishoni mwa Mwezi Aprili pamoja na Barsley na Timu moja nyingine ambayo Leo imeungana nazo ni Doncaster ambayo ilifungwa na 1-0 na Mabingwa Leicester City huku Birmingham City wakinusurika baada kusawazisha Bao Dakika za mwisho walipotoka 2-2 na Bolton Wanderers.

MSIMAMO-Timu za Mkiani

NA.	TIMU	P	GD	PTS
19	Millwall	46	-28	48
20	Blackpool	46	-28	46
21	Birmingham	46	-16	44
22	Doncaster	46	-31	44
23	(R) Barnsley	46	-33	39
24	(R) Yeovsil	46	-31	37

CHAMPIONSHIP

Jumamosi Mei 3

Mechi za Mwisho za Ligi

Barnsley 2 QPR 3

Blackburn 4 Wigan 3

Blackpool 0 Charlton 3

Bolton 2 Birmingham 2

Ipswich 2 Sheff Wed 1

Leeds 1 Derby 1

Leicester 1 Doncaster 0

Millwall 1 Bournemouth 0

Nottm Forest 1 Brighton 2

Reading 2 Burnley 2

Watford 1 Huddersfield 4

Yeovil 1 Middlesbrough 4